الــــعـــود لـــدهـــــم
ومــــضـــات
الــــعـــود لـــدهـــــم
آ الراكب لــدهــم
على اركابو لا اتكلم
غير أشر ليه ،هويفهم…
لــــدهـــم لا اتــألــم
راه ما يستاهل اجروح
و لا سيـــلان دم،
أصـــل ومـــأصــل
ابحث في التاريخ واعليه
احـــــكــم ،واجـــزم..
كــنـت هـاوي ولل امـقدم..
آ الراكب لـــدهــــم
هز الدواية ،وزيدك
لــقــلــم،
وافتح لــقــراب
واجبد لـكـتاب
وسطر راس المحرك
واشحال ديال البارود
خــــصـــــك
مـــوجــود ولبخــور
كــنــش وزمـــــم،
والتحرف بالكومية
والــرزة على الراس
مـــلـــويـــة
بــيــضاء ولل مـكيـة
تـــشــعــل ذهـبـيــة
والـــحـبـة انـــحـاس
على فــم بيت النار
شاشـــيـــة
وعليها القرص،ثأر
وا ربع صبعـــان
بـــارود
وصــــي العــمــار.
يكون راجل فيه الثقة
والحياء واعليه الوقار..
وعــنــداك يــكــون غدار
آ الــراكب لــدهم
شـــوف الــسـالف
مضفور على الظهــور
ولا اتحط عينك على
الـــمــحزم،
وقر نفسك واحشم
هذاك مــهــرو غالي
اوتقات مليانة واخيم
باللــويز،راه محبوب
واعـــــزيــز
ألبس قدك ايواتيك
ودير لدهم اللجام
فــــاســي نــقـــرة
وفيه احكم واتحكم..
و لا اتبــالغ،راك تتصـدم
ومـــا اتســـرجــــو
حـتـى اتسمي و اتـسـلـم..
آ الــراكب لـــدهـــم
راه ، دهمك كايفهمك
ودايــمــا يحافظ على
اســـــمــــك
وبين السروت،يعزك
وعــنــد القـــرنــة
اتبان ليك المــعــنى
اتهلا فيه،واعليه لا
اتـــخـــلى
راك في المحرك
بيـــه تــتــعــنــى
هو سامع ليك،وما يحافيك
ودايــما امسامح لـــيــــك
لـــــيـــــك،وليـــك
وعند النـــداء ، ما يخليك..
صادق ومخلص وفي ليك..
آ الــراكب لـــدهــم
افـــرح و الـــنغـــم
ومن وفاء ليك اتـعلــــم،
يـحـط الحطة اعلى الحطة
وعنـــد الـعـلـفـة تلقاه تم.
دهمــــك ما ليه امثل
ما ليــه ولـــد الـعــم ،
فـــــريــــد وحــــيــــــد،
اقــــديـــم واجــــديــــد
اظــرافــة لا اتـــزيـــد،
عـــــزو يعــــزك ،عزك
وفي حياتك اعليه ما
تــــنــــدم ، ما تندم
دوام العشرة،ما هـــو
للــبــيــع ما هــو لشرى
واعــــلاش اتخــمـــم؟
آ الــــراكـــب لـــدهـــم
حــــن والــــرحــــم
راك احساس واللحم ودم
مخلوق،انسان بني آدم…
والمصير محتوم وامحتم
وبيه رب العالمين ،يعلم
حــــن والـــرحـــــــم..
لدهــم طالب مــنـــك
اتحـــس بيه واتراعيــه،
و الى اعــطـش تورديه
والى جــاع ،عــــلافـــة
فيها القوت،حب واحبوب
مليانة فواكه من المطلوب…
اهـــديـــة للـدهم وليه اتــقـــدم، ليه..
وبعنايتك ليه وبيه ، يكون
لـــدهـــم ،يعيش وعاش
وحــــقـــق بـمـا احـلم..
لــهــبــر و الـثـــمـر
ما قاد على تكداد لعظم..
يهـــرس ليه الضراس
وطــيـــر اعــلــيه الناس
ويـــهــزل ويـــرزم..
حــــن والـدهـم ارحـــــــم،
لـــدهـــــم، بما احــلــم..
وتــحـيـاتي ليك،آمول الحايك
آ الشارب قصــدي،وراويه
عطــشـــو مـــاء زمــــزم..
بــارد وفيه شــفاء
ودواء مـن كـل داء، ســم؟
آ الــــراكب لـــدهــم..
مـلـقـانا عنـد راس الـعـيـن
وعـنــداك اتخـلـيني نـتـساين
نــشــربو الماء الـصـافي
أنـا وانت ولــدهــم وأهل
الـشـعبـة وامالين لخزايـن..
آ الــركــب لـــدهــــم
مـلـقـانـا عــنـد رأس العـين
تــم انـظامي
تـم منبع احـلا أنـــغــامــي
تــم الماضـــي
تــم الـحـاضر،تـم المـستقبل
تــم لــدهــم والـحلـم
فـــي الـباقي من أيــامــــي…
والــــى قـــرائي ،أزكــــــى
ســــلامــــي، ســـلامـــي..
ولا تنساو عودي لدهم
راه باقي امعاه اكلامي..
تاشكراه فوق النوارة
ولد الخير وفالو..فين
تلقى ابحالو..ابحالو…
التــوقــيع ؛الزجال د لحسن رطلي القري
القنيطرة ، في يوم ؛ 9 ذي الحجة 1441ه
الموافق 9 غشت 2020م
